Semanaverde

 

Culinaria participa na Semana Verde de Galicia 2024

  • Cun stand propio no que se ofrecerán arredor de 3.000 tapas

  •  Amosa ao público unha ampla mostra dos platos de menú atlántico e atlántico gourmet que elaboran e comercializan

Silleda, 27 de maio de 2023.- A empresa Culinaria anuncia que participa na Feira Semana Verde de Galicia no stand H4 do Pavillón 1 –área profesional– no que ofrecerá diversas degustacións. Coa súa presenza acércase ao público dende un certame que está a ser un escaparate de Galicia para o mundo.

Durante catro días (do 30 de maio ao 2 de xuño), Culinaria realizará un completo programa destinado tanto a profesionais como a visitantes, cunha coidada exposición e selección de pratos elaborados sen aditivos nin conservantes e con materias primas galegas de primeira calidade, entre os que figuran ensaladas e entrantes, carnes, arroces  e prostres.

Con esta ampla variedade, Culinaria quere achegar a cociña rica, caseira e natural que se elabora diariamente nas cociñas que a empresa ten en Silleda e que se comercializa en toda Galicia, aos visitantes e profesionais que se acerquen á Semana Verde. Concretamente, entre as 13:00 h e as 15:00 h poderán degustarse diferentes tipos de ensaladas frías, potaxes, guisos, arroces e carnes cociñadas a baixa temperatura, incluído o Galo de Vila de Cruces (asado e guisado), ademais de sobremesas.

Nas catro  xornadas de apertura da Feira, os cociñeiros de Culinaria elaborarán un total de 3.000 racións-degustación que se ofrecerán ao público.

Culinaria ten programado un showcooking (“Culinaria, máis que xantar”) o domingo de 14:00 h a 15:00 h na Terraza Salimat (Stand F14, Pavillón 1), no que se elaborarán diferentes preparacións con carnes cociñadas a baixa temperatura, para dar a coñecer as posibilidades que ten a proposta de cociña de Culinaria para dar solucións ó canal HORECA, o por extensión o público en xeral.

Asemade, haberá atención personalizada aos profesionais que precisen o servizo que se ofrece: comida tradicional galega servida coa última tecnoloxía para unha mellor conservación.

A empresa Culinaria conta cunha planta de produción propia de máis de 2.500 metros cadrados situada na Comarca do Deza, no corazón de Galicia, dende a que se elaboran entre 15.000 e 20.000 pratos día que se serven a uns 6.000 comensais diarios de toda a Comunidade galega.

Esta planta está especialmente deseñada e dotada para levar a cabo servizos de alimentación en liña fría ou quente que permite, asemade, combinar os procedementos da cociña tradicional cos sistemas de conservación máis innovadores e seguros. Esta dotación posibilita á compañía acadar un alto grao de planificación e organización da produción, ademais de garantir un máximo nivel de seguridade e hixiene alimentaria.

No marco desta concepción da alimentación como un dos pilares da saúde individual e colectiva, Culinaria desenvolve a súa actividade centrada fundamentalmente en  marcas recoñecidas como Culinaria Pro, Menú Atlántico y Atlántico Gourmet con solucións de restauración para o ámbito profesional, Culinaria Sénior, con sección propia Xerocatering para o coidado nutricional das persoas maiores, Culinaria San, con proxectos específicos para entornas clínicos e atención á diversidade e Culinaria Kids, con pratos equilibrados e divertidos para os máis pequenos.