Culinaria pecha hoxe as actividades en Semana Verde cun Showcooking

• Ás 18:30 horas na Terraza Salimat

•  Éxito de público na xornada de onte, sábado

   

  Silleda, 11 de xuño  de 2023.- Baixo o título “Experimenta todo o sabor da baixa temperatura”, esta tarde ás 18:30 horas CULINARIA pecha as actividades da Semana Verde co derradeiro showcooking no que dous cociñeiros da empresa, Marcelo Torres e Julio Mato, elaborarán diferentes preparacións con carnes cociñadas a baixa temperatura.

  Concretamente haberá, como onte sábado, seis modalidades de menús que se ofertarán ao público profesional polo cociñeiros de Culinaria, entre os que se atopan Tortilla con preparado, Focaccia de polo, Bocata de pulled pork de costela, Burriño de polo asador, miniburguer de carrilleira de tenreira; e como prostre, Mini tarta de queixo.

  Con esta programación, CULINARIA ofertou durante os catro días de duración da Feira un amplo programa destinado a profesionais e visitantes, cunha coidada exposición e selección de pratos elaborados sen aditivos nin conservantes e con materias primas galegas de primeira calidade, elaborados coa técnica da baixa temperatura.